Upcoming Events

Palm Sunday

Palm Sunday Thusim

Israel chate’n kut kiti hi thupitah a anaman jiu ahi. Kut jatchomchom anei hou chu amaho dan dungjuia chu Jerusalem a kon a mile 20 vel a kilat sunga um/cheng mipi lhing jouse chu kalchuh kut manga hung teidiu dol ahi.

Ahin, hichekol sungin ahop keuseh hilouvin, muntin gamtin (leiset chung kol li) a konin hiche Israel nampi kut (National Festival) mang dingin mi ahung kikhom ji’n ahile, hichelai phat le chun Jerusalem chu mipi adimset ji’n ahi.

Hitichun, Jesu jong Bethany a konin Jerusalem jonin ache’n ahi. Kalchuh kut mang dinga Jerusalem a kikhom mipi tampi chun ‘Jesu Jerusalem a dingin ahunge’ ti ajah phat un, lusuna akidop un aga lamtouvin, “Hosana, Pakai min a hunga Israel te lengpa chu anun nome,” tin asam asamun ahi.

Hichechu ‘Palm sunday’ tia het bailam a hung kiminvo ahi.

KBC HINBEL THAH

K. Songlung Baptist Church

15th February, 2015 Sunday nikhoa Kuki Baptist Convention kivaipohna noija Houbung khat ding a hunglut thah K. Songlung Baptist Church chu kum sottah Kivaipohna chom khat in ana umkha jonguleh kilung toh tah in khosung a cheng mi in somthum lam chu Kuki Baptist Convention a um ding in General Secretary Rev. Ngamjapao Haokip in Convention lamkai dang phabep toh lahlut na aganei tao vin tua hi KBC sung a ding in Gambih No. 1 ah koilut ahitai.

 

Amaho hung lut toh kilhon in Convention hi tun Houbung agom in jani le somget le thum ahung hi tai.

 

pension cheta

Rev. Tonglet Haokip, Pastor Leimakhong Centre Church

Kuki Baptist Convention, Terms of Service Rules:Article No.IV. (1) Superannuation Pension: dungjuija Date 14th November, 2014 nikho hin, KBC Office Administrative Building mun’a Rev. Tonglet Haokip, Pastor C/C KBC Leimakhong hi atahsa kum 60 alhin toh lhonna, atohmun akon a kichol phat lhin tah jeh’in, Pension Board le Office Staff ho jouse pan lahnan, lomtah’in lhahdohna kin ana kineitan ahi. Chutoh lhonna ama hi anatohna mun akon’a kicholdo ahitai.

 

Pathen in ama le a-insung mite jouse maban na phatthei boh jing tahen,

choir album thah

KBC Central Choir leh Bible Society of India Dimapur Tohkhomna

Achesa June/July 2014 apat in Convention Central Choir hon Gambih chomchom a um Houbung hoa lajilna anakineiyin BSI to kitho khom a Video Album semkhomna neiding a tohgon kinei dung jui in aban ban in ahung kimachal in Recording Churachandpur Psalms Recording mun ah akibol in Video jong phaisung houbung ho leh mun chom chom ah ahung kibol in tun chaithei jin ahung um tan ahi.

 

Pu.Alun Haolai President KBC in jong Central Choir ho lhagao lam le tahsa lam a Central Choir a pang hon ponthon tah a Convention sung a pan lajing din tilkhona aneiyin ahi.

houbung machal

REAWAKENING OF NEW ZALENPHAI BAPTIST CHURCH

Nisim 20th August 2014 (Vahchanni) nilhah chun Gambih Executive Committee makaina noija Zalenphai Houbung tundohkitna akineitan ahi.

Zalenphai Houbung kithah tundoh kitna ahin Administration akikoi toh kilhonin incharge hon Deacon ho le Deaconese thaneina idanpi uva hi aman diu chuleh ijem tia kinlen ima aum tengleh Gambih Pastorpu ahetsah uva tohkhom na neipan kit tahdin ima lam jousea machal khomdin kigot na akisem doh kit tai.

 

Pathen in Zalenphai Houbung hin mapui jing ta hen.